Mae gwefan fy mhleidlais i yn cael ei chynnal gan y Comisiwn Etholiadol.
Mae pleidleisio yn hawl ddemocrataidd i chi fel dinesydd y DU.
Mae fy mhleidlais i yn wefan lle gallwch ddarganfod popeth sydd angen ei wybod ynghylch cofrestru i bleidleisio a phleidleisio mewn etholiadau yn y DU.
Ar y wefan hon mae gwybodaeth ynghylch:
- cofrestru i bleidleisio
- etholiadau sydd ar y gorwel yn y DU
- etholiadau sydd yn cael eu cynnal yn y DU
- y gwahanol ffyrdd o bleidleisio yn etholiadau'r DU
Pwy yw'r Comisiwn Etholiadol?
Ein hamcan yw rhoi pleidleiswyr yn gyntaf bob tro – chi yw rheiny!
Rydym yn gorff annibynnol a grëwyd gan Senedd y DU.
Rydym yn gweithio i gefnogi etholiadau a refferenda a gynhelir yn dda yn y DU. Drwy gynnig cefnogaeth a chanllawiau i'r rheiny sy'n cymryd rhan, Rydym hefyd yn gweithio i sicrhau bod pleidleiswyr, fel chi, yn gwybod popeth sydd angen iddynt wybod.
Beth ry'n ni'n ei wneud
Rydym yn:
- cofrestru pleidiau gwleidyddol
- gwneud yn siŵr bod pobl yn deall ac yn dilyn y rheolau ar gyllid pleidiau ac etholiadau
- cyhoeddi manylion o ble mae pleidiau ac ymgeiswyr yn cael eu harian a sut y maent yn ei wario
- gosod y safonau ar gyfer cofrestru etholiadol a chynnal etholiadau ac adrodd ar ba mor dda y gwneir hyn
- sicrhau bod pobl yn deall ei bod hi'n bwysig cofrestru i bleidleisio a'u bod yn gwybod sut i bleidleisio
- cynnal unrhyw refferenda a gynhelir yn unol â Deddf Pleidiau gwleidyddol, Etholiadau a Refferenda 2000
