Bydd etholiadau nesaf Cynulliad Cenedlaethol Cymru yn cael eu cynnal ddydd Iau 5 Mai 2016.
Darllenwch ein canllaw i bleidleiswyr ar gyfer etholiadau Cynulliad Cenedlaethol Cymru a Chomisiynwyr yr Heddlu a Throseddu am fwy o wybodaeth.
Gallwch hefyd lawrlwytho fformatau amgen o’n canllaw gwybodaeth i bleidleiswyr yma.
Cofrestru i bleidleisio
Mae’r dyddiad cau i gofrestru i bleidleisio ar gyfer etholiad Cynulliad Cenedlaethol Cymru ddydd Iau 5 Mai bellach wedi cau.
Os nad ydych yn siŵr os ydych wedi'ch cofrestru i bleidleisio, cysylltwch â'ch swyddfa cofrestru etholiadau lleol. Byddan nhw'n gallu dweud wrthych.
Gallwch ddod o hyd i'w manylion cyswllt drwy roi eich cod post yn y panel 'Eich ardal leol' ar y dudalen hon.
Pwy all bleidleisio?
I bleidleisio mewn etholiadau Cynulliad Cenedlaethol Cymru mae'n i chi fod yn:
- yn 18 oed neu'n hŷn ar ddiwrnod y pleidleisio
- yn ddinesydd Prydeinig, dinesydd cymwys y Gymanwlad neu'n ddinesydd yr Undeb Ewropeaidd yn preswylio yng Nghymru
- ddim yn destun unrhyw anghymhwysedd cyfreithiol i bleidleisio
Beth mae'r Cynulliad yn ei wneud?
Mae Cynulliad Cenedlaethol Cymru yn cynrychioli pobl Cymru.
Mae gan y Cynulliad rym i wneud penderfyniadau a phasio deddfau ar faterion datganoledig.
Darganfod mwy am rymoedd Cynulliad Cenedlaethol Cymru
Sut ydw i'n pleidleisio?
Mae etholiadau i Gynulliad Cymru yn defnyddio'r system aelod ychwanegol i ethol 60 o Aelodau Cynulliad (ACau). Mae Cymru wedi ei rhannu'n 40 etholaeth, mae pob un yn ethol un AC, a phum rhanbarth mwy o faint sy'n ethol pedwar AC yr un. Byddwch yn cael dau bapur pleidleisio, papur pleidleisio etholaeth a rhanbarth.
- Ar y papur pleidleisio etholaeth byddwch yn pleidleisio dros un ymgeisydd yr ydych am iddynt gynrychioli eich etholaeth.
- Ar y papur pleidleisio rhanbarthol, rydych yn dewis rhestr plaid neu ymgeiswyr annibynnol i gynrychioli'ch rhanbarth.
Darganfod mwy am sut mae'r system bleidleisio hon yn gweithio
Pwy sy'n sefyll i'w hethol yn fy ardal i?
Mae awdurdodau lleol yn cyhoeddi enwau ymgeiswyr sy'n sefyll i'w hethol oddeutu tair wythnos cyn y diwrnod pleidleisio. I ddod o hyd i fanylion cyswllt eich swyddfa cofrestru etholiadol rhowch eich cod post yn y blwch Eich ardal leol ar ein hafan.
