Cwestiynau Cyffredin – Pleidleiswyr o Dramor

• A yw dinasyddion Prydeinig sy’n byw dramor yn cael pleidleisio?

  Gall dinasyddion Prydeinig sy’n byw dramor bleidleisio yn etholiadau Senedd y DU a Senedd Ewrop, ond ni chant bleidleisio mewn etholiadau lleol neu etholiadau cyrff datganoledig fel Senedd Yr Alban, Cynulliad Cenedlaethol Cymru neu Awdurdod Llundain Fawr.

  Nid yw dinasyddion Prydeinig sy’n byw dramor am fwy na 15 mlynedd yn gymwys i gofrestru i bleidleisio yn etholiadau’r D.U.

• Pa ddulliau o bleidleisio sydd ar gael i mi?

  Os ydych chi wedi cofrestru i bleidleisio fel etholwr o dramor, ni chewch chi bleidleisio mewn etholiadau lleol neu etholiadau cyrff datganoledig (fel Senedd Yr Alban, Cynulliad Cenedlaethol Cymru neu Awdurdod Llundain Fawr).  Fodd bynnag, mewn etholiadau eraill, gall pleidleiswyr o dramor ddewis pleidleisio drwy’r post neu drwy ddirprwy.

  Dim ond tuag wythnos cyn diwrnod yr etholiad mae pleidleisiau drwy’r post yn cael eu hanfon, a byd angen i chi ystyried p’un ai a oes gennych chi ddigon o amser i lenwi a dychwelyd y ffurflen mewn amser.  Efallai y byddai’n well apwyntio dirprwy i bleidleisio ar eich rhan.

• Nid wyf yn adnabod unrhyw ddinasyddion Prydeinig yma i arwyddo fy natganiad tyst?

  Cyn belled â bod y ffurflen yn cael ei harwyddo gan ddinesydd Prydeinig sy’n byw dramor, nid oes angen iddynt fod yn byw yn yr un wlad â chi.

  Os nad yw hyn chwaith yn ddewis, yna mae staff consyliaeth neu Lysgenhadaeth Prydain yn aml yn arwyddo ffurflenni ar gyfer pobl sydd yn yr un sefyllfa â chi.

• Pam na chaf i bleidleisio os wyf wedi bod i ffwrdd am fwy na 15 mlynedd?

  Mae ‘r cyfnod o amser mae dinesydd y DU yn cael pleidleisio unwaith maen nhw wedi symud dramor yn cael ei gyfyngu drwy gyfraith i 15 mlynedd.  Hyd at 1985, nid oedd unrhyw ddinesydd y DU oedd yn byw dramor yn cael pleidleisio (heblaw am Aelodau o’r Lluoedd Arfog neu Weision y Goron).  Ers hynny, mae’r cyfyngiad wedi cael ei godi i 5 mlynedd, 20 mlynedd a nawr mae’n 15 mlynedd. Mater i’r Llywodraeth a’r Senedd yw’r hawlfraint, ac felly dylid cyfeirio unrhyw sylwadau at y Weinyddiaeth Gyfiawnder.