General election FAQ

Mae’r dudalen hon yn cynnwys gwybodaeth ynghylch cofrestru a phleidleisio yn etholiad cyffredinol Senedd y DU 2010. Nid yw rhywfaint o’r wybodaeth yn gymwys yng Ngogledd Iwerddon - darllenwch yn ofalus.

Ydw i wedi cofrestru i bleidleisio?

Nid yw’r Comisiwn Etholiadol yn gallu rhoi gwybod i chi os ydych chi wedi cofrestru i bleidleisio - mae’n rhaid i chi gysylltu â’ch swyddfa cofrestru etholiadol lleol. Gallwch chi gael gafael ar y manylion cyswllt ar gyfer eich swyddfa cofrestru etholiadol lleol yn y panel ‘Eich ardal leol’ drwy roi eich côd post yn y panel.

Sylwer mai dydd Mawrth, 20 Ebrill oedd y dyddiad cau ar gyfer cofrestru i bleidleisio ar gyfer yr etholiadau sydd i ddod.

Os ydych chi wedi llenwi’r ffurflen gofrestru canfasio blynyddol a ddaeth drwy eich drws rhwng mis Awst a mis Thachwedd, fe ddylech chi fod ar y gofrestr. 

Pam bod dyddiad cau ar gyfer cofrestru?

Gallwch chi gofrestru drwy’r broses cofrestru parhaus unrhyw bryd yn ystod y flwyddyn a hefyd, yn ystod y canfasio blynyddol sy’n cael ei gynnal yn ystod tymor yr hydref.  Fodd bynnag, mae amserlen bendant ar gyfer pob etholiad cyffredinol a lleol yn y DU, sydd wedi’i gosod mewn cyfraith. O dan yr amserlen hon, 11 diwrnod gwaith cyn yr etholiad yw’r dyddiad cau i gofrestru.  Ni ellir diwygio’r dyddiad cau hwn am unrhyw reswm.

Nid wyf wedi derbyn fy ngherdyn pleidleisio/Rwyf wedi derbyn fy ngherdyn pleidleisio ond mae fy enw yn anghywir.

Gallwch chi ddal i bleidleisio hyd yn oed os nad oes gennych chi gerdyn pleidleisio, cyn belled ag eich bod ar y gofrestr etholiadol. Dylech chi gysylltu â’ch swyddfa cofrestru etholiadol lleol i weld p’un ai a ydych chi ar y gofrestr etholiadol neu beidio, ac i sôn am y ffaith nad ydych chi wedi derbyn eich cerdyn pleidleisio.

Os ydych chi wedi derbyn eich cerdyn pleidleisio a bod eich enw wedi newid neu wedi cael ei sillafu’n anghywir, dylech chi ddal i fedru pleidleisio yn yr orsaf bleidleisio.  Does dim angen i chi fynd â’ch cerdyn pleidleisio i’r orsaf bleidleisio, ond efallai y byddai’n fwy rhwydd i staff yr orsaf bleidleisio i’ch adnabod chi os ewch chi ag un gyda chi.  Yng Ngogledd Iwerddon, mae'n rhaid i chi fynd â Cherdyn Adnabod gyda chi i bleidleisio: gweler ein tudalen ar bleidleisio yng Ngogledd Iwerddon am ragor o fanylion.

Sut wyf yn dod o hyd i fy ngorsaf bleidleisio?

Os ydych chi wedi cofrestru i bleidleisio, bydd lleoliad eich gorsaf pleidleisio wedi ei nodi ar y cerdyn pleidleisio fydd yn cael ei ddosbarthu i chi.  Cysylltwch â'ch swyddfa etholiadol leol am ragor o fanylion. Gellir dod o hyd i ragor o wybodaeth ynghylch pleidleisio mewn gorsaf bleidleisio ar ein tudalen Cwestiynau a Ofynnir yn aml ynghylch pleidleisio mewn person.

Pa ddarpariaeth sydd ar gael i bobl anabl?

Mae templedi pleidleisio cyffyrddadwy a fersiynau print bras o bapurau pleidleisio ar gael ymhob gorsaf bleidleisio, Gallwch chi hefyd fynd â chyfaill gyda chi i’ch helpu chi, neu gallwch chi ofyn i'r swyddog llywyddu yn yr orsaf bleidleisio am gymorth.  Cysylltwch â’ch swyddfa etholiadol leol i gael rhagor o wybodaeth ynghylch hygyrchedd yn eich gorsaf bleidleisio.  Am ragor o wybodaeth ynghylch hygyrchedd y broses etholiadol, gweler ein tudalen Cwestiynau a Ofynnir yn Aml ynghylch Hygyrchedd.

Mae gennyf argyfwng meddygol/rwyf dramor ac nid wyf yn gallu mynd i fy ngorsaf bleidleisio ar 6 Mai

Os ydych chi eisoes wedi cofrestru a’n gwybod na fyddwch chi’n gallu cyrraedd gorsaf bleidleisio ar 6 Mai, gallwch chi wneud cais i bleidleisio drwy ddirprwy hyd at 5yh ar ddydd Mawrth, 27 Ebrill, oes gennych chi reswm penodol.

Gallwch chi wneud cais i bleidleisio drwy ddirprwy ar gyfer argyfyngau meddygol yn unig hyd at 5yh ar ddiwrnod yr etholiad.  Noder y bydd yn rhaid i chi gael nodyn gan eich meddyg i gefnogi eich cais.

Am ragor o wybodaeth ynghylch pleidleisio drwy ddirprwy, gweler ein tudalen Cwestiynau a Ofynnir yn Aml ynghylch pleidleisio drwy ddirprwy.

Pam nad wyf wedi derbyn fy mhapur pleidleisio drwy’r post?

Dylech chi dderbyn eich papur pleidleisio tuag wythnos cyn yr etholiad.  Os nad yw’n cyrraedd, gallwch chi gael papur pleidleisio newydd mewn person gan eich Swyddog Canlyniadau hyd at 5yh ar ddiwrnod yr etholiad. Yn Lloegr ac yng Nghymru, gellir gwneud cais am bapurau pleidleisio newydd 4 diwrnod gwaith cyn diwrnod yr etholiad, ac yn Yr Alban,  3 diwrnod gwaith cyn diwrnod yr etholiad.  Cysylltwch â’ch Swyddog Cofrestru Etholiadol am fanylion.  Am ragor o wybodaeth ynghylch pleidleisio drwy’r post, gweler ein tudalen Cwestiynau a Ofynnir yn Aml ynghylch pleidleisio drwy’r post.

Ym mhle allaf i gael gwybodaeth ynghylch ymgeiswyr?

Nid oes unrhyw ffynhonnell swyddogol, felly dylech chi ymweld â gwefannau ymgeiswyr, gwefannau’r pleidiau, neu ysgrifennu at y blaid neu’r ymgeisydd. .

Am ragor o wybodaeth ynghylch etholiadau ac ymgeiswyr, gweler ein tudalen Cwestiynau a Ofynnir yn Aml ynghylch etholiadau sy’n cael eu cynnal yn eich ardal.

Pryd fydd y canlyniadau’n cael eu cyhoeddi?

Bydd hyn yn dibynnu ar yr ardaloedd unigol a’r swyddogion canlyniadau. Yn y rhan fwyaf o ardaloedd, mae pleidleisiau’n cael eu cyfrif ar nos Iau, ar ôl diwedd y cyfnod pleidleisio, ond mewn rhai ardaloedd, bydd pleidleisiau’n cael eu cyfrif y bore wedyn. Os hoffech chi ddarganfod beth sy’n digwydd yn eich ardal chi, cysylltwch â’ch swyddfa etholiadol leol. Gallwch chi gael rhagor o wybodaeth ynghylch amseriad y cyfrifon  ar y dudalen etholiadau ar ein prif wefan.

Rwyf wedi derbyn gwybodaeth gan blaid wleidyddol/ymgeisydd ac rwyf eisiau gwneud cwyn

Mae hysbysebion gwleidyddol a deunydd cyhoeddusrwydd ar yr ymgyrch yn glaf dan nifer o gyfyngiadau o dan gyfraith etholiadol.  Er enghraifft, mae’n rhaid i bob deunydd etholiadol gael argraffnod gydag enw llawn a chyfeiriad llawn argraffydd a hyrwyddwr y deunydd.  Yn ogystal, ni ddylai deunyddiau gynnwys datganiadau ffug ynghylch cymeriad personol neu ymddygiad ymgeisydd.

Hefyd, mae deunydd ymgyrchu’n glaf dan gyfraith sifil cyffredinol ar atebolrwydd a chyfraith trosedd, a ni ddylent gynnwys sylwadau neu ddatganiadau difenwol.  Mae sylwadau difenwol ar bapur yn cael eu hystyried yn enllib, a gallai hyn arwain at weithred gyfreithiol.  Mae rheolau ynghylch hawlfraint hefyd yn gymwys i ddeunydd etholiadol.  Yn ogystal, o dan Ddeddf Trefn Gyhoeddus 1996, mae’n drosedd cyhoeddi a dosbarthu deunydd bygythiol, amharchus neu sarhaus sydd â’r bwriad o annog casineb hiliol.

Yn unol â chyfraith etholiadol, nid oes gan y Comisiwn Etholiadol unrhyw hawl i fonitro deunydd ymgyrchu unigol pleidiau neu i archwilio unrhyw honiadau neu droseddau. Rydym yn argymell eich bod chi’n cyfeirio unrhyw gwyn yn uniongyrchol at y blaid dan sylw.  Fel arall, os ydych chi’n credu y cyflawnwyd trosedd gyda’r deunyddiau y derbynioch chi, bydd angen i chi fynd â hyn at sylw’r heddlu.