Etholiadau Senedd Ewrop yn Lloegr, Yr Alban a Chymru

Y system bleidleisio

Cynrychiolaeth gyfrannol - rhestr gaeëdig

I bwy rwyf yn pleidleisio?

Rhwng tri a deg o Aelodau o Senedd Ewrop (ASEau) i gynrychioli eich rhanbarth.

Mae’r DU wedi cael ei rannu’n rhanbarthau, un ar gyfer Gogledd Iwerddon, Yr Alban a Chymru, a naw ar gyfer Lloegr. Dosrennir sawl ASEau i bob rhanbarth yn ôl poblogaeth.

Sut i bleidleisio

Darllenwch y cyfarwyddiadau ar gyfer cwblhau’r papur pleidleisio’n ofalus bob amser, hyd yn oed os ydych chi wedi pleidleisio o’r blaen.

Mae’r papur pleidleisio’n rhestru pleidiau gwleidyddol ac ymgeiswyr annibynnol. Mae rhestr o ymgeiswyr o dan enw pob plaid sy’n dymuno cynrychioli’r blaid honno.

Yn syml, rhowch X (croes) wrth ymyl y blaid neu’r ymgeisydd annibynnol yr hoffech chi bleidleisio drosto/drosti.

Os ydych chi’n gwneud camgymeriad, gallwch chi ofyn i'r staff pleidleisio i roi papur pleidleisio arall i chi.

Efallai y byddwch chi hefyd yn pleidleisio mewn etholiadau eraill ar yr un diwrnod

Pwy sy’n cael eu hethol?

Mewn rhanbarth penodol, caiff y seddi a ddosrannir eu dyfarnu drwy ddefnyddio system cwota. Y cwota yw cyfanswm nifer y pleidleisiau a dderbyniwyd gan blaid neu ymgeisydd annibynnol, wedi eu rhannu gyda nifer y seddi a enillwyd yn barod yn y rhanbarth hwnnw + 1.

Felly, ar gyfer plaid heb seddi, caiff nifer y pleidleisiau a dderbyniwyd eu rhannu gydag un, ac mae felly’n aros yr un fath. Os oes gan y blaid un sedd yn barod, caiff nifer y pleidleisiau eu rhannu gyda dau, os oes ganddi ddwy sedd, cant eu rhannu gyda thri, ac yn y blaen.

Mae hyn yn golygu'r mwyaf o seddi yr ydych chi wedi ennill yn barod, y mwyaf anodd ydyw i gael seddi ychwanegol, felly mae dyraniad y seddi ar y cyfan yn fwy cyfraneddol i nifer y pleidleisiau a dderbyniwyd.

Mae’r sedd gyntaf y mae plaid yn ennill yn cael ei rhoi i’r person cyntaf ar y rhestr, mae’r ail sedd yn mynd i’r ail berson, ac yn y blaen, nes bod y blaid unai heb ennill mwy o seddi neu wedi rhedeg allan o enwau ar y rhestr. Trinnir ymgeisydd annibynnol fel pe bai ef neu hi yn blaid gyda dim ond un enw ar y rhestr.