Etholiadau Cynulliad Llundain Fwyaf

Y system bleidleisio

Y System Aelod Ychwanegol (cyfuniad o’r cyntaf i’r felin a chynrychiolaeth gyfrannol - rhestr gaeëdig).

I bwy rwyf yn pleidleisio?

Mae gennych chi ddwy bleidlais: un ar gyfer aelod Cynulliad Llundain Fwyaf etholaeth Cynulliad Llundain Fwyaf chi, ac un ar gyfer 10 o aelodau Cynulliad Llundain Fwyaf ar draws Llundain.

Sut i bleidleisio

Darllenwch y cyfarwyddiadau ar gyfer cwblhau’r papur pleidleisio’n ofalus bob amser, hyd yn oed os ydych chi wedi pleidleisio o’r blaen.

Byddwch chi’n cael dau bapur pleidleisio.

Ar gyfer aelod etholaethol Cynulliad Llundain Fwyaf y mae’r cyntaf. Mae’r papur pleidleisio’n rhestru enw pob ymgeisydd, ynghyd ag enw neu ddisgrifiad eu plaid, logo’r blaid a’u cyfeiriad.

Yn syml, rhowch X (croes) wrth ymyl yr ymgeisydd yr hoffech chi bleidleisio drosto/drosti.

Pleidlais ar gyfer plaid neu ymgeisydd annibynnol sy’n ceisio ennill 10 sedd Cynulliad Llundain Fwyaf ar draws Llundain yw’r ail bapur pleidleisio. Mae’r papur pleidleisio’n rhestru pleidiau gwleidyddol ac ymgeiswyr annibynnol. Mae rhestr o ymgeiswyr sy’n dymuno cynrychioli’r blaid honno o dan enw bob plaid.

Yn syml, rhowch X (croes) wrth ymyl y blaid neu’r ymgeisydd annibynnol yr hoffech chi bleidleisio drosto/drosti.

Ar yr un pryd, bydd gofyn i chi bleidleisio ar drydydd bapur pleidleisio ar gyfer Maer Llundain (am fwy o wybodaeth, gwelwch yr adran Meiri sydd wedi’u hethol yn uniongyrchol yn Lloegr).

Os ydych chi’n gwneud camgymeriad, gallwch chi ofyn i'r staff pleidleisio i roi papur pleidleisio arall i chi.

Efallai y byddwch chi hefyd yn pleidleisio mewn etholiadau eraill ar yr un diwrnod

Pwy sy’n cael eu hethol?

Mae 14 o etholaethau, ac mae pob un cael eu cynrychioli gan un Aelod Cynulliad Llundain Fwyaf. Yr ymgeisydd sydd gyda’r mwyaf o bleidleisiau sy’n cael eu hethol ym mhob etholaeth; nid oes rhaid iddyn nhw gael mwy na hanner o’r pleidleisiau a fwriwyd. Os oes pleidleisiau cyfartal, dewisir

ymgeisydd drwy dynnu ar hap (h.y. dull dewis ar hap fel taflu ceiniog neu dynnu enw allan o het).

Mae hefyd 10 o seddi ar draws Llundain ar gael; dyfarnir y seddi yma gan ddefnyddio system cwota. Y cwota yw cyfanswm nifer y pleidleisiau a dderbyniwyd gan blaid neu ymgeisydd annibynnol, wedi eu rhannu gan nifer y seddi a enillwyd yn barod, + 1.

Felly, ar gyfer plaid heb seddi, caiff nifer y pleidleisiau a dderbyniwyd eu rhannu gydag un, ac mae felly’n aros yr un fath. Os oes gan y blaid un sedd yn barod, caiff nifer y pleidleisiau eu rhannu gyda dau, os oes ganddi ddwy sedd, cant eu rhannu gyda thri, ac yn y blaen.

Mae hyn yn golygu'r mwyaf o seddi yr ydych chi wedi ennill yn barod, y mwyaf anodd ydyw i gael seddi ychwanegol, felly mae dyraniad y seddi ar y cyfan yn fwy cyfraneddol i nifer y pleidleisiau a dderbyniwyd. Mae nifer y seddi sydd gan bob plaid yn cynnwys unrhyw seddi etholaethol a enillwyd ac unrhyw seddi ar draws Llundain a ddyfarnwyd yn barod.

Mae’r sedd gyntaf y mae plaid yn ennill yn cael ei rhoi i’r person cyntaf ar y rhestr, mae’r ail sedd yn mynd i’r ail berson, ac yn y blaen, nes bod y blaid unai heb ennill mwy o seddi neu wedi rhedeg allan o enwau ar y rhestr. Trinnir ymgeisydd annibynnol fel pe bai ef neu hi yn blaid gyda dim ond un enw ar y rhestr.