Maer Llundain a’r Cynulliad
Maer Llundain a’r Cynulliad
Beth mae’n wneud?
Mae gan Faer Llundain y pŵer i wneud penderfyniadau yn y meysydd
canlynol sy’n effeithio ar Lundain:
- y celfyddydau a diwylliant
- datblygiad economaidd
- yr amgylchedd
- tân a diogelwch
- byw’n iachus
- yr heddlu
- trafnidiaeth
- adfywio trefol
Mae Cynulliad Llundain yn cadw golwg ar beth mae’r Maer yn
wneud. Mae hefyd yn archwilio materion sy’n bwysig i bobl
Llundain, yn cyhoeddi ei ddarganfyddiadau a’i argymhellion, ac yn
gwneud cynigion i’r Maer.
Sut mae wedi ei ffurfio?
Mae Maer Llundain a Senedd Llundain yn ffurfio Awdurdod Llundain
Fwyaf, sy’n ffurf unigryw o lywodraeth i Lundain. Mae ganddo
tua 600 o staff i helpu’r Maer a’r Cynulliad gyda’u
dyletswyddau.
Mae gan Gynulliad Llundain 25 o Aelodau’r Cynulliad. Mae
pedwar ar ddeg o’r rhain yn cynrychioli etholaethau, sy’n cael eu
ffurfio o ddau neu fwy o fwrdeistrefi Llundain. Mae’r 11
aelod arall yn cynrychioli Llundain gyfan.
Sut maen nhw’n cael eu hethol?
Pan rydych chi’n pleidleisio yn etholiadau Maer Llundain a’r
Cynulliad, mae gennych chi bedair pleidlais. Am bob
pleidlais, rydych chi’n marcio croes sengl (X) yn y bocs wrth ymyl
enw’r ymgeisydd neu’r blaid rydych chi eisiau pleidleisio
drostynt.
Etholiad Maer Llundain
1. Dewis cyntaf ar gyfer Maer Llundain
2. Ail ddewis ar gyfer Maer Llundain
3. Nid oes rhaid i chi wneud eich pleidlais ail ddewis, ond mae
rhaid i chi bleidleisio ar gyfer eich dewis cyntaf neu ni fydd eich
papur pleidleisio yn cael ei gyfrif.
Etholiad Cynulliad Llundain
4. Un bleidlais ar gyfer aelod etholaethol Cynulliad
Llundain
5. Un bleidlais ar gyfer aelod Llundain gyfan Cynulliad
Llundain.
Mae etholiadau ar gyfer Maer Llundain a’r Senedd yn cael eu
cynnal bob pedair blynedd. Mae’r etholiadau nesaf wedi eu
cynllunio i gael eu cynnal yn 2012.
Ym mhle gallaf i ddarganfod mwy?
Gwefan ar gyfer Maer Llundain,
Cynulliad Llundain ag Awdurdod Llundain Fwyaf